﻿Zabur 90
RINIBA OBIMPASA, TO POT ONG KINORINGAN SAMPAI PENLAID

(Pemimpin)
O Tuhan Ikau-no o sunsudon-za antad di kodori-po.

(Jemaat)
It amu-po nongurug it ongoburul

(Pemimpin)
Om it amu-po nagama i tana om i riniba,

(Jemaat)
Ikau-no o gulu banal om amu-ko tumanus sampai penlaid

(Pemimpin)
Pouli-ko di riniba sid lisovu do tana dot, Uli-kou-no o riniba, ka-Nu

(Jemaat)
Sabap ong sid Dikau soribu toun iadko sangadau-no

(Pemimpin)
Om iadko sonsodop-no dit osuvaban dot amu kodop.

(Jemaat)
I riniba iadko i gama-Nu pasak do lampai do lizud

(Pemimpin)
Ioti dino iadko rontob inipi. 

(Jemaat)
I riniba koluu di sakot,

(Pemimpin)
Tu sumuni om mungkalad-no do sasarap,

(Jemaat)
Minsosodop-po lumondihu-no om rumuzou-no.

(Pemimpin)
Tumanus-okoi, sabap i hungot-Nu

(Jemaat)
Sampai tigogi obinasa-okoi, sabap i sana-Nu.

(Pemimpin)
Sokoviai i kasalaan-za, nigili-Nu-no kavi sid tinoguvangon-nu

(Jemaat)
Om i karaatan-za di nokosusut-no,

(Pemimpin)
Nga nakalanta kavi sid tinoguvangon-Nu.

(Jemaat)
Sabap ino, kisukud-okoi, tu atanus okoi di hungot-Nu.

(Pemimpin)
I konibako dit umul-za iadko insan no pomuhopo.

(Jemaat)
Manjadi i sukud-za turu-no nopod toun.

(Pemimpin)
Bang anaru-naru o sukud, nga valu nopod toun.

(Jemaat)
Mulongko ava tang o kavazao, kakali dot opogos om osusa

(Pemimpin)
Sabap toduru-duuruk om katalib i sukud-za,

(Jemaat)
Topot isai-no-ka i kelo di kasanaan-Nu?

(Pemimpin)
Om isai-no i kootupat di kohungan-Nu?

(Jemaat)
Tudukai:-okoi-no mongitung di kisukud-okoi

(Pemimpin)
supaya elo-okoi monguog.

(Jemaat)
O Tuhan, kadan-po kiponginud dot alaid-no.

(Pemimpin)
Uli-no sid dahai. Sianai okoi-no o Tuhan.

(Jemaat)
Sukupo-okoi-no di kovosihan-Nu suvab-suvab.

(Pemimpin)
Supaya otomon-okoi om ounsopot-okoi sampai matai.

(Jemaat)
Higako-okoi-no do kerad-di kosusaan-za. . . .

(Pemimpin)
Suliai-no it ongotoun di varo kinapagasan dahai.

(Jemaat)
Pemoto-okoi-no di gama-Nu

(Pemimpin)
Om it anganak-za, nga kemot-po di kohornatan-Nu.

(Jemaat)
O Tuhan, Kinoringan-za, lindungo-okoi-no di kovosihan-Nu.

(Semua)
Berkatai-no it agama di palad-za, o Tuhan, Om hoturo-no i gagamaon-za suvab-suvab.

